नेपालगन्ज, कात्तिक ६-
दिन दहाडै चलिरहेको जुवा खालमा प्रहरीले शनिबार छापा मारेको छ । नेपालगन्ज उपमहानगरपालिका वडा नम्वर ५ देवाफुलबारीमा रहेको सिद्धान्त गुरुङको घरमा कौडा खेलिरहेको अवस्थामा विशेष सुराकीको आधारमा वडा प्रहरी कार्यालय नेपालगन्जले छापा मारेको हो । जुवा खेलिरहेको अवस्थामा एक महिला सहित ६ जनालाई प्रहरीले पक्राउ गरेको छ ।
वडा प्रहरी इन्चार्ज प्रहरी निरिक्षक रामबहादुर चन्दका अनुसार देवाफुलबारी निवासी ३५ बर्षिय एतुन सल्मानी, ३२ बर्षिय प्रभाकर शाक्य, २६ बर्षिय पदम श्रेष्ठ, ३२ बर्षका अर्जुन कालिदास, २६ बर्षिय सिद्धान्त गुरुङ र ५० बर्षिया रानु थापा रहेका छन् । उनीहरुको साथबाट नगद ७ हजार ६ सय ४० रुपैयाँ बरामद गरिएको प्रहरीले जनाएको छ । पक्राउ परेका सबैलाई वडा प्रहरी कार्यालयमै राखिएको छ ।
